សូមផ្ញើជូនក្រុមអ្នកស្ម័គ្រចិត្តកម្ពុជានៃមជ្ឈមណ្ឌលឯកសារកម្ពុជាទាំងអស់៖

ខ្ញុំបាទ សូមថ្លែងអំណរគុណដល់ ក្រុមអ្នកស្ម័គ្រចិត្តកម្ពុជាទាំងអស់ ចំពោះការលះបង់ ការបំពេញការងារ និងការប្តេជ្ញាចិត្តចំពោះភាពជាអ្នកដឹកនាំសម្រាប់ប្រទេសរបស់ខ្លួន។ ការធ្វើដំណើរទស្សនកិច្ច ទៅកាន់ទីតាំងដែលជាប់ពាក់ព័ន្ធនឹងរបបប្រល័យពូជសាសន៍ខ្មែរក្រហម គឺមិនមែនជារឿងងាយស្រួលនោះទេ។ ចំណែកឯការរៀនសូត្រអំពីប្រវត្តិសាស្រ្តក៏មិនងាយស្រួលដែរ។ ប្រវត្តិសាស្ត្រគឺមិនមែនជាមុខវិជ្ជាដែលងាយស្រួលរៀន ដោយសារធម្មជាតិរបស់មនុស្សមានលក្ខណៈស្មុគ្រស្មាញ បង្កប់នូវមនោសញ្ចេតនា និងពោរ ពេញទៅដោយឥរិយាបថដែលមិនអាចរៀបរាប់បានអស់សេចក្តី។ខណៈពេលដែលមនុស្សអាចបញ្ចេញនូវភាពសាហាវឃោរឃៅខ្លាំងយ៉ាងណាក៏ដោយ មនុស្សក៏អាចបង្ហាញនូវភាពស្រស់ផូរផង់ មានសណ្តានចិត្តល្អ និងភាពជាវីរបុរសថែមទៀតផង។ ដោយសារតែប្រវត្តិសាស្ត្រមិនមែនជារឿងងាយស្រួលបែបនេះហើយ ទើបអនាគតរបស់អ្នកទាំងអស់គ្នាក៏មិនងាយស្រួលដូចគ្នាដែរ។

សោកនាដកម្មនៅក្នុងប្រវត្តិសាស្ត្រនៃអំពើប្រល័យពូជសាសន៍នៅកម្ពុជា ត្រូវបានចារឹកទុកក្នុងក្រអៅបេះ ដូងនៃអ្នករស់រានមានជីវិតពីរបបខ្មែរក្រហមប្រមាណ៥លាននាក់។ ខណៈពេលដែលអ្នករស់រានមានជីវិតនៃប្រវត្តិសាស្ត្រនេះបានបន្តបាត់បង់ទៅ វាគឺជាកាតព្វកិច្ចរបស់អ្នកទាំងអស់គ្នាក្នុងការថែរក្សាប្រវត្តិសាស្ត្រនេះ។ ទស្សនវិទូបារាំងឈ្មោះ ហ្វ្រង់ស្វ័រ ម៉ារី អារ៉ូអិត ឬត្រូវបានស្គាល់ថាជា អឹមដឺ វ៉ុលទែរ បាននិយាយថា៖ « យើងត្រូវផ្តល់ការគោរព ចំពោះអ្នកដែលនៅរស់រានមានជីវិត ហើយយើងត្រូវផ្តល់ការពិត ចំពោះអ្នកដែលបានស្លាប់ផុតទៅ។»

បើទោះជាអ្នកទាំងអស់គ្នាកំពុងរស់នៅទីណាក៏ដោយអ្នកទាំងអស់គ្នាមិនត្រូវបណ្តោយឲ្យការពិតអំពីអតីតកាលរបស់ប្រទេសកម្ពុជា ត្រូវបានបំភ្លៃ លុបបំបាត់ ឬសាបរលាបនោះឡើយ។ ការប្តេជ្ញាចិត្តរបស់អ្នក ទាំងអស់គ្នាចំពោះសច្ចៈភាពប្រវត្តិសាស្ត្រ គឺជាផ្នែកមួយនៃការតាំងចិត្តដ៏ធំធេងនៅក្នុងជីវិតរបស់អ្នកទាំងអស់គ្នាដែរគឺ៖ ចូរផ្តល់ភាពស្មោះត្រង់ចំពោះខ្លួនឯងផ្ទាល់ អ្នកដទៃ និងពិភពលោកទាំងមូល។

ខណៈពេលដែលអ្នកទាំងអស់គ្នាកំពុងបោះជំហានឆ្ពោះទៅរកអាជីពថ្មីៗ ការអប់រំជាន់ខ្ពស់ ឬវិថីជីវិតណាមួយក៏ដោយ ដែលអ្នកទាំងអស់គ្នាបានសម្រេចចិត្តជ្រើសរើស បន្ទាប់ពីចាកចេញពីកម្មវិធីយុវជនស្ម័គ្រចិត្តកម្ពុជា៖ ចូរចងចាំថាអ្នកទាំងអស់គ្នាពិតជាធ្លាប់មានឱកាសនិងពេលវេលា ក្នុងការប្រែក្លាយពិភពលោក មួយនោះឲ្យមានភាពប្រសើរឡើងវិញដែរ។ គោលបំណងនៃកម្មវិធីយុវជនស្ម័គ្រចិត្តកម្ពុជាគឺបង្ហាញជូនអ្នកទាំងអស់គ្នានូវភាពស្មុគ្រស្មាញនៃប្រវត្តិសាស្ត្រនេះផង និងផ្សារភ្ជាប់អ្នកទាំងអស់គ្នា ទៅនឹងអារម្មណ៍ថ្មី ដែលទាក់ទងនឹងអតីតកាលនេះផង ហើយថាតើអតីតកាលនេះអាចតម្រែតម្រង់អនាគតរបស់អ្នកទាំងអស់គ្នាដោយរបៀបណា។ អ្នកទាំងអស់គ្នាគួរចាប់យកឱកាសនៃការភ្ជាប់ទំនាក់ទំនងជាមួយប្រវត្តិសាស្ត្រនេះដើម្បីធ្វើជាផ្នែកមួយនៃដំណើរជីវិតរបស់ខ្លួនដែរ ដោយសារតែប្រវត្តិសាស្ត្រមិនត្រឹមតែសំខាន់ សម្រាប់ខ្លួនអ្នកផ្ទាល់និងក្រុមគ្រួសារប៉ុណ្ណោះទេ ប៉ុន្តែក៏កាន់តែសំខាន់ចំពោះការសម្រេចបាននូវអនាគតដ៏ល្អប្រសើរជាងមុនសម្រាប់ប្រទេសជាតិ និងពិភពលោកថែមទៀតផង។ រៀងរាល់ដែលមានថ្ងៃថ្មី ការសម្រេច ចិត្តថ្មី និងការបោះជំហានទៅមុខ គឺសុទ្ធសឹងតែជាឱកាសថ្មីក្នុងការគោរពដល់អតីតកាលតាមរយៈការ ទទួលយកនូវការពិតក្នុងជីវិត។

សូមបួងសួងដល់ទេវតាឆ្នាំថ្មីប្រទានសព្វសាធុរកាពរដល់អ្នកទាំងអស់គ្នា សួស្តីឆ្នាំថ្មីប្រពៃណីជាតិខ្មែរ។

ពីខ្ញុំបាទ ឆាំង យុ

នាយកប្រតិបត្តិមជ្ឈមណ្ឌលឯកសារកម្ពុជា

To the Documentation Center of Cambodia’s (DC-Cam) CamboCorps Volunteers:

I want to thank you for your dedication, service and commitment to leadership for your country. Visiting sites associated with the Khmer Rouge genocide regime is not easy, nor is studying its history. History is not an easy subject because mankind is complex, emotional, and riddled with inexplicable behavior. Human beings can be extraordinarily cruel as much as they can be beautiful, kind and heroic. And just as history is not easy, your future will not be easy either.

The tragedy of Cambodia’s genocidal history is etched into the hearts of the estimated 5 million survivors of the Khmer Rouge regime, and as the survivors of this history pass, it is incumbent upon you to preserve this history. Quoting a Renaissance philosopher, Francois-Marie Arouet, otherwise known as M. de Voltaire, “We owe respect to the living; to the dead, we owe only the truth.” Wherever life takes you, do not allow the truth about Cambodia’s past be distorted, diminished or diluted. Your commitment to this historical truth is a part of the larger commitment life demands upon you: To be true to yourself, others, and the world.

As you embark upon your journey to a new career, advanced education or whatever pursuit you decide to take up in leaving the CamboCorps Youth Programme: Know that you have the opportunity and the chance to make this world a better place. The purpose of the CamboCorps Programme was to introduce you to the complexity of history and impart unto you a new (or renewed) sense of your connection to this past and how it can inform your future. You should embrace this connection as part of your journey in life because history is not only consequential for you and your family but also the country and world’s pursuit of a better future. Every new day, every new decision, and every step forward is a new opportunity to pay respect to the past by embracing a life of truth.

Best wishes and Happy Khmer New Year!

Youk Chhang

Executive Director

Documentation Center of Cambodia

Phnom Penh, Monday 8, 2024