ការបិទច្រកទ្វាព្រំដែន ហាមឃាត់មនុស្ស ឬទំនិញឆ្លងកាត់ព្រំដែន ប៉ះពាល់សេដ្ឋកិច្ចប្រជាជន ដែលរស់នៅតាមតំបន់ព្រំដែនជាខ្លាំងទាំងកម្ពុជា និងថៃ។ ប្រជាជនភាគច្រើននៅតំបន់ព្រំដែន រស់នៅដោយពឹងផ្អែកលើការជួញដូរទំនិញ ជាមួយប្រទេសជិតខាងខ្លួនដែលឆ្លងទៅវិញទៅមកដូចជា បន្លែ ផ្លែឈើ ត្រី ឬទំនិញប្រើប្រាស់ផ្សេ​ងៗ។ ការបិទច្រកទ្វាព្រំដែនធ្វើឱ្យប្រជាជនបាត់បង់ប្រាក់ចំណូលប្រចាំថ្ងៃ។ បាត់បង់ប្រាក់ចំណូលពីការងារប្រចាំខែដូចជា ដឹកជញ្ជូនអីវ៉ាន់ចេញចូលតាមច្រកព្រំដែន ទាហាន, ពន្ធដារ, ពាណិជ្ជករ និងកម្មករត្រូវបានបញ្ឈប់ពីការងារ។ ប្រឈមមុខបញ្ហាបាត់បង់ប្រាក់ចំណូលយូរៗទៅអាចឈានទៅជាជំងឺផ្លូវចិត្តធ្ងន់ធ្ងរ ស្ត្រេស អស់សង្ឃឹម ឬធ្លាក់ចិត្ត។

ម្យ៉ាងទៀតការបិទច្រកទ្វាព្រំដែនវាមានផលប៉ះពាល់ ដល់ការសិក្សារបស់សិស្សានុសិស្ស។ ក្មេងៗជាច្រើននៅតាមព្រំដែន មានការសិក្សា ឬចូលរៀននៅទឹកដីប្រទេសជិតខាងគ្នា។ ពេលព្រំដែនត្រូវបានបិទ សិស្សានុសិស្សមិនអាចឆ្លងទៅរៀនបាន ត្រូវបង្ខំចិត្តឈប់រៀនបណ្តោះអាសន្ន។ អាណាព្យាបាលមិនចង់ឲ្យខាតពេលវេលា គឺត្រូវការផ្លាស់សាលា ឬស្វែងរកសាលាថ្មីក្នុងប្រទេសខ្លួន និងបានជួបការលំបាក។ ដោយសារតែត្រូវធ្វើដំណើរឆ្ងាយនាំឲ្យស្ថានភាពសេដ្ឋកិច្ចគ្រួសារជួបប្រទះការលំបាក។ ពេលមិនអាចឆ្លងទៅប្រទេសជិតខាងបាន ក្មេងៗនឹងខ្វះឱកាសទទួលការអប់រំល្អៗ។ កុមារខ្លះត្រូវបង្ខំចិត្តឈប់រៀន ដើម្បីជួយការងារឪពុកម្ដាយ។ សាលារៀនមិនចង់ឲ្យសិស្សខាតបង់ពេលវេលាសិក្សា ស្នើឲ្យសិស្សរៀនតាមអនឡាញ ក្មេងៗតាមព្រំដែនមួយចំនួនគ្មានអ៊ីនធឺណិត ឬឧបករណ៍ ទូរស័ព្ទ, កុំព្យូទ័រ គ្រប់គ្រាន់។ ដូច្នេះការរៀនតាមអនឡាញក៏ពិបាក ឬមិនអាចធ្វើបាន។  ក្មេងៗអាចមានអារម្មណ៍សោកស្តាយ ឬបាត់បង់កម្លាំងចិត្តពេលមិនអាចទៅសាលា ឬជួបមិត្តភក្តិបាន។ ការខ្វះសកម្មភាព និងការអប់រំយូៗទៅ អាចប៉ះពាល់ដល់ការអភិវឌ្ឍផ្លូវចិត្ត និងសមត្ថភាពរបស់សិស្សានុសិស្ស។ ការបិទច្រកទ្វាព្រំដែនធ្វើឲ្យសេដ្ឋប្រជាជនតាមព្រំដែនធ្លាក់ចុះយ៉ាងខ្លាំង។ ក្មេងៗនៅតាមតំបន់ព្រំដែនជួបផលវិបាកក្នុងការសិក្សា រហូតបាត់បង់ឱកាសសិក្សា ខ្វះធនធានអប់រំយូទៅអាចកើតបញ្ហាផ្លូវចិត្ត លែងមានអារម្ភក្នុងការរៀនសូត្រ។

​បើទោះបីជាប្រទេសទាំងពីរ [1](ម្ពុជា-ថៃ) ចុះ​កិច្ច​ព្រមព្រមសន្តិភាព​ជា​ផ្លូវការ នៅ​ថ្ងៃ​ទី​២៦ ខែតុលា ឆ្នាំ២០២៥ នៅ​ទីក្រុង​កូឡាឡាំពួរ ប្រទេសម៉ាឡេស៊ី។ ដោយមានវត្តមានរបស់ប្រធានាធិបតីសហរដ្ឋអាមេរិក​លោក ដូណាល់ ត្រាំ និងនាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម ជាសាក្សី[2]។

តាមសេចក្តីរាយការណ៍របស់សារព័ត៌មាន RFI ចុះផ្សាយ​នៅ​ថ្ងៃ៖ ទី​២៨ ខែតុលា ឆ្នាំ២០២៥។ នាយករដ្ឋមន្ត្រីថៃ លោក អនុធីន ឆានវីរៈគូន បានទម្លាក់ការទទួលខុសត្រូវលើកម្ពុជាក្នុងរឿងបើកច្រកព្រំដែនឡើងវិញ។ លោកបានចេញមុខប្រកែកតាមប្រព័ន្ធផ្សព្វផ្សាយក្នុងក្រុងបាងកកថា រដ្ឋាភិបាលថ្មីថ្មោងរបស់លោកមិនទាន់បានគិតគូរដល់ការបើកច្រកព្រំដែនជាមួយកម្ពុជានៅខែក្រោយនេះទេ។ នៅមុនការលើកឡើង របស់លោក អនុធីន កងទ័ពភូមិភាគទី១ ថៃក៏បានអះអាងថា ខ្លួនមិនបានទទួលបទបញ្ជាពីរដ្ឋាភិបាលដើម្បីបើកច្រកព្រំដែននៅក្នុងខេត្តស្រះកែវ ប្រទេសថៃដែលមានព្រំប្រទល់ជាប់ខេត្តបន្ទាយមានជ័យ ប្រទេសកម្ពុជាទេ៕[3]

[1] https://freshnewsasia.com/localnews/406355-2025-10-27-16-43-30

[2] https://www.rfi.fr/km/%E1%9E%80%E1%9E%98%E1%9F%92% B6

[3]https://www.rfi.fr/km/%E1%9E%80%E1%9E%98%E1%9F%92% 81

អត្ថបទដោយ ទាវ សម្ភស្ស