[1]ជំរំសាយអេច ឬហៅជំរំ៨៥ដែលបានបង្កើតឡើងដោយកងទ័ពខ្មែរក្រហម មូលហេតុដែលខ្មែរក្រហមបង្កើតជំរំនេះឡើងដើម្បីឲ្យប្រជាជនខ្មែរយើងដែលភៀសខ្លួនមករស់នៅក្នុងជំរំមួយនេះ ហើយជំរំនេះស្ថិតនៅក្រោមការគ្រប់គ្រងរបស់កងទ័ពខ្មែរក្រហម។ ជំរំនេះមានទីតាំងស្ថិតនៅខាងលិចភ្នំតាង៉ុក ឬហៅឈ្មោះម្យ៉ាងទៀតភ្នំកាង៉ុក បើមើលតាមបណ្តោយព្រំដែនកម្ពុជា-ថៃមានភ្នំមួយខ្ពស់ដែលបែងចែកខណ្ឌសីមារវាងប្រទេសកម្ពុជា និងភាគខាងត្បូងស្រុកអារញ្ញប្រថេតប្រទេសថៃ ដែលមានចម្ងាយប្រហែលប្រមាណជាង៣៥គីឡូងម៉ែត្រ បច្ចុប្បន្ននេះភ្នំតាង៉ុកស្ថិតនៅក្នុងភូមិភ្នំព្រឹក ខេត្តបាត់ដំបង ភ្នំនេះបើយើងមើលពីខាងថៃមកវិញគឺជាប់នឹងខេត្តស្រះកែវប្រទេសថៃ។ បើក្រឡែកមកមើលនៅ[2]ទស្សវត្សរ៍ឆ្នាំ៨០ដែលទើបនឹងរួចផុតពីរបបប្រល័យពូជសាសន៍ខ្មែរក្រហម ភ្នំតាង៉ុកគឺជាភ្នំមួយខ្ពស់ដែលមានព្រៃឈើព័ទ្ធជុំវិញយ៉ាងខៀវស្រងាត់ហើយក៏ជាខ្សែបន្ទាត់ព្រំដែនខណ្ឌសីមារបស់ប្រទេសទាំងពីរគឺកម្ពុជា-ថៃ ហើយខាងកើតភ្នំជាដីរបស់ខ្មែរ ចំណែក​ឯខាងលិចជាដីរបស់ថៃ រីឯភ្នំតាង៉ុកមានជាប់ទាក់ទង់ទៅនឹងជំរំសាយអេចដែលប្រជាជនខ្មែរទៅបោះជំរំនៅជិតភ្នំនៅទីនោះ។ ការបង្កើតជំរំនេះឡើងសៀមបានជួលដីទៅឲ្យអង្គការសហប្រជាជាតិហៅកាត់(UN) ដើម្បីផ្តល់ជំនួយជូនដល់ជនភៀសខ្លួនខ្មែរយើងដែលមកជ្រកកោនក្នុងជំរំសាយអេចនេះ ហើយនៅក្នុងជំរំមានទាំងមន្ទីរពេទ្យ, សាលារៀនសម្រាប់ឲ្យក្មេងៗមកសិក្សារៀនសូត្រ ព្រមទាំងប្រជាជនខ្មែរយើងដែលនៅក្នុងជំរំសាយអេចនេះមិនពឹងផ្អែកទៅលើតែជំនួយពីអង្គការសហប្រជាជាតិទាំងស្រុងតែមួយមុខនោះទេ គឺប្រជាជនប្រកបមុខរបរខ្លះៗដែរដើម្បីជីវភាពប្រចាំថ្ងៃ។[3] នៅពេលដែលមានប្រជាជនជម្លៀសមកថ្មីៗគេចែកឬស្សី ឬឧបករណ៍ផ្សេងៗសម្រាប់ឲ្យសាងសង់ផ្ទះសម្រាប់រស់នៅទៀតផង សម្រាប់អ្នកចាស់ដែលនៅជំរំសាយអេចយូរលុងណាស់មកហើយភាគច្រើនប្រកបរបរកសិកម្មដូចជា ដំណាំហូបផ្លែ ចិញ្ចឹមត្រី និងបន្លែបង្ការផ្សេងៗទៀតដើម្បីចិញ្ចឹមជីវិត។

[1] https://www.facebook.com/khmerheritage.kh/posts/ 

[2] https://www.facebook.com/pangsokheoun/posts/      

[3] https://youtu.be/60HOjjsDR2Y?si=S95hhT0UOfi5PhnX

អត្ថបទដោយ រឹម ពេជ្រដារ៉ូ