(តាកែវ) ធ្លក ហេង អាយុ៦៦ឆ្នាំ រស់នៅភូមិស្វាយខាងត្បូង ឃុំបាស្រែ ស្រុកអង្គរបូរី ខេត្តតាកែវ។ ហេង មានបងប្អូន២នាក់ ក្នុងនោះមានស្រីម្នាក់។ នៅក្នុងសម័យខ្មែរក្រហម បងស្រីរបស់ ហេង ធ្វើស្រែនៅសហករណ៍។ ឪពុករបស់ ហេង ស្លាប់មុនពេលខ្មែរក្រហមគ្រប់គ្រងប្រទេស ហើយម្ដាយរបស់គាត់ធ្វើការងារបរទេះគោ ដឹកអាចម៍គោ។
នៅឆ្នាំ១៩៧៥ ហេង មានអាយុប្រមាណ២៥ឆ្នាំ។ អង្គការចាត់តាំង ហេង ឲ្យធ្វើការងារនៅក្នុងកងចល័តឃុំបាស្រែ។ ការងាររបស់ ហេង នៅក្នុងកងចល័តមានដូចជា ធ្វើស្រែ, ស្ទូង, ដក, ច្រូត និងលើកប្រព័ន្ធភ្លឺស្រែនៅក្នុងឃុំ។ នៅឆ្នាំ១៩៧៦ អង្គការចាត់តាំង ហេង ឲ្យទៅធ្វើការងារនៅក្នុងកងចល័តស្រុកព្រៃកប្បាស(បច្ចុប្បន្ន ស្រុកអង្គរបូរី)។
ការងាររបស់ ហេង នៅក្នុងស្រុកព្រៃកប្បាស មានដូចជា លើកប្រព័ន្ធភ្លឺស្រែ, កាប់ព្រៃ, កាត់ស្មៅ, លើកទំនប់, ជីកប្រឡាយ និងធ្វើស្រែនៅទូទាំងស្រុកតែម្ដង។ នៅក្នុងកងចល័ត ហេង ត្រូវធ្វើរោង ឬក៏ស្នាក់នៅក្នុងព្រៃ និងសម្រាកនៅវាលក្បែរកន្លែងធ្វើការងារតែម្ដង។
ចំពោះការហូបចុកវិញ ភាគច្រើន ហេង ទទួលបានបបរពីរពេលក្នុងមួយថ្ងៃ ហើយក្នុងមួយពេល ហេង ទទួលបានបបររាវៗមួយកា ប៉ុន្តែមិនគ្រប់គ្រាន់នោះទេ។ ហេង បានបន្តថា នៅរដូវប្រមូលផល អង្គការឲ្យប្រជាជនហូបបាយបានប្រហែល១ខែ ជាមួយសម្លបន្លែព្រលឹត និងត្រកួន។
ឆ្នាំ១៩៧៨ អង្គការបានអនុញ្ញាតឲ្យ ហេង រៀបការ ។ ការរៀបអាពាហ៍ពិពាហ៍របស់ហេង ធ្វើឡើងដោយសារតែម្ដាយរបស់ ហេង ទៅស្នើសុំ ម្ដាយ-ឪពុក របស់ប្រពន្ធ គាត់រៀបការ។ បន្ទាប់ពីនិយាយយល់ព្រមទាំង សងខាង អង្គការបានរៀបចំឲ្យ ហេង និងបុរស-ស្ត្រី១៥គូផ្សេងទៀត រៀបការជាមួយគ្នាតែម្ដង។ ហេង បានឲ្យដឹងទៀតថា ការរៀបការដែលខ្មែរក្រហមរៀបចំនៅពេលក្រោយៗទៀត គឺមានចំនួន៣០គូ ឬក៏ច្រើនជាងនេះ។
នៅឆ្នាំ១៩៧៩ បន្ទាប់ពី ហេង រៀបការរួចបានមួយឆ្នាំ ប្រទេសកម្ពុជាបានរួចផុតពីការគ្រប់គ្រងរបស់ខ្មែរក្រហម។ ហេង បានប្រាប់ទៅអ្នកស្ម័គ្រចិត្តថា គាត់តែងតែឈឺ សន្លាក់ដៃជើង។ មួយវិញទៀត ហេង បានពិនិត្យឃើញថាគាត់មានក្រួសក្នុងក្រពះ-ពោះវៀន និងបានវះកាត់រួចហើយ ប៉ុន្តែមិនទាន់ជាសះនោះទេ។ ជំងឺរបស់ ហេង បណ្ដាលមកពីអាយុរបស់គាត់កាន់តែច្រើន ខ្សោយកម្លាំង និងអាហារដែលគាត់ហូបសម្បូរសារធាតុគីមី។(តាកែវ) ធ្លក ហេង អាយុ៦៦ឆ្នាំ រស់នៅភូមិស្វាយខាងត្បូង ឃុំបាស្រែ ស្រុកអង្គរបូរី ខេត្តតាកែវ។ ហេង មានបងប្អូន២នាក់ ក្នុងនោះមានស្រីម្នាក់។ នៅក្នុងសម័យខ្មែរក្រហម បងស្រីរបស់ ហេង ធ្វើស្រែនៅសហករណ៍។ ឪពុករបស់ ហេង ស្លាប់មុនពេលខ្មែរក្រហមគ្រប់គ្រងប្រទេស ហើយម្ដាយរបស់គាត់ធ្វើការងារបរទេះគោ ដឹកអាចម៍គោ។
នៅឆ្នាំ១៩៧៥ ហេង មានអាយុប្រមាណ២៥ឆ្នាំ។ អង្គការចាត់តាំង ហេង ឲ្យធ្វើការងារនៅក្នុងកងចល័តឃុំបាស្រែ។ ការងាររបស់ ហេង នៅក្នុងកងចល័តមានដូចជា ធ្វើស្រែ, ស្ទូង, ដក, ច្រូត និងលើកប្រព័ន្ធភ្លឺស្រែនៅក្នុងឃុំ។ នៅឆ្នាំ១៩៧៦ អង្គការចាត់តាំង ហេង ឲ្យទៅធ្វើការងារនៅក្នុងកងចល័តស្រុកព្រៃកប្បាស(បច្ចុប្បន្ន ស្រុកអង្គរបូរី)។
ការងាររបស់ ហេង នៅក្នុងស្រុកព្រៃកប្បាស មានដូចជា លើកប្រព័ន្ធភ្លឺស្រែ, កាប់ព្រៃ, កាត់ស្មៅ, លើកទំនប់, ជីកប្រឡាយ និងធ្វើស្រែនៅទូទាំងស្រុកតែម្ដង។ នៅក្នុងកងចល័ត ហេង ត្រូវធ្វើរោង ឬក៏ស្នាក់នៅក្នុងព្រៃ និងសម្រាកនៅវាលក្បែរកន្លែងធ្វើការងារតែម្ដង។
ចំពោះការហូបចុកវិញ ភាគច្រើន ហេង ទទួលបានបបរពីរពេលក្នុងមួយថ្ងៃ ហើយក្នុងមួយពេល ហេង ទទួលបានបបររាវៗមួយកា ប៉ុន្តែមិនគ្រប់គ្រាន់នោះទេ។ ហេង បានបន្តថា នៅរដូវប្រមូលផល អង្គការឲ្យប្រជាជនហូបបាយបានប្រហែល១ខែ ជាមួយសម្លបន្លែព្រលឹត និងត្រកួន។
ឆ្នាំ១៩៧៨ អង្គការបានអនុញ្ញាតឲ្យ ហេង រៀបការ ។ ការរៀបអាពាហ៍ពិពាហ៍របស់ហេង ធ្វើឡើងដោយសារតែម្ដាយរបស់ ហេង ទៅស្នើសុំ ម្ដាយ-ឪពុក របស់ប្រពន្ធ គាត់រៀបការ។ បន្ទាប់ពីនិយាយយល់ព្រមទាំង សងខាង អង្គការបានរៀបចំឲ្យ ហេង និងបុរស-ស្ត្រី១៥គូផ្សេងទៀត រៀបការជាមួយគ្នាតែម្ដង។ ហេង បានឲ្យដឹងទៀតថា ការរៀបការដែលខ្មែរក្រហមរៀបចំនៅពេលក្រោយៗទៀត គឺមានចំនួន៣០គូ ឬក៏ច្រើនជាងនេះ។
នៅឆ្នាំ១៩៧៩ បន្ទាប់ពី ហេង រៀបការរួចបានមួយឆ្នាំ ប្រទេសកម្ពុជាបានរួចផុតពីការគ្រប់គ្រងរបស់ខ្មែរក្រហម។ ហេង បានប្រាប់ទៅអ្នកស្ម័គ្រចិត្តថា គាត់តែងតែឈឺ សន្លាក់ដៃជើង។ មួយវិញទៀត ហេង បានពិនិត្យឃើញថាគាត់មានក្រួសក្នុងក្រពះ-ពោះវៀន និងបានវះកាត់រួចហើយ ប៉ុន្តែមិនទាន់ជាសះនោះទេ។ ជំងឺរបស់ ហេង បណ្ដាលមកពីអាយុរបស់គាត់កាន់តែច្រើន ខ្សោយកម្លាំង និងអាហារដែលគាត់ហូបសម្បូរសារធាតុគីមី។

សម្ភាសដោយ៖ថៃ ស៊ីណា ថ្ងៃទី៣០ សីហា ២០២១

អត្ថបទដោយ៖ ភា រស្មី ថ្ងៃទី០៧ មីនា ២០២៥